Կարկտահարության բացասական հետևանքները կարող են մնալ անցյալում:

Պաշտպանե՛նք պտղատու և խաղողի այգիները կարկտապաշտպան ցանցերի միջոցով։

 

Դրանք ձեռք բերելու նպատակով հատկացվող վարկերը, պետության սուբսիդավորման արդյունքում, Ձեզ կհասնեն տարեկան ընդամենը 2% տոկոսադրույքով,  իսկ առնվազն 3 հա կարկտապաշտպան ցանցեր ներդնող կոոպերատիվներին և սահմանամերձ համայնքներում գործունեություն իրականացնող շահառուներին  վարկերը կտրամադրվեն 0% տոկոսադրույքով:

 

Վարկերը տրամադրվում են 7 տարի մարման ժամկետով, 1 տարի արտոնյալ ժամանակահատվածով։  Ինտենսիվ պտղատու այգիների համար  մեկ շահառուին տրամադրվող վարկի առավելագույն չափը չի կարող գերազանցել 85 մլն դրամը, խաղողի այգիների դեպքում՝ 36 մլն դրամը, որը նախատեսված է 10 հա տարածքի վրա  կարկտապաշտպան ցանցային համակարգ ներդնելու  համար։

 

Կարկտապաշտպան ցանցերը Ձեր այգիները գրեթե 100%-ով կպաշտպանեն նաև քամիներից,  թռչունների և խոշոր միջատների հասցրած վնասներից։

 

Կարկտապաշտպան ցանցերն ամբողջ աշխարհում համարվում են որակյալ բերքի ստացման կայուն երաշխիք:

 

Մանրամասները՝  http://old.minagro.am/%d5%b0%d5%a1%d5%af%d5%a1%d5%af%d5%a1%d6%80%d5%af%d5%bf%d5%a1%d5%b5%d5%ab%d5%b6-%d6%81%d5%a1%d5%b6%d6%81%d5%a5%d6%80%d5%ab-%d5%b6%d5%a5%d6%80%d5%a4%d6%80%d5%b4%d5%a1%d5%b6-%d5%b0%d5%a1%d5%b4%d5%a1/

 

ՀՀ գյուղատնտեսության նախարարության տեղեկատվության

և հասարակայնության հետ կապերի բաժին

Տպել