Ս.թ. սեպտեմբերի 14-ին` ժամը 14:00-ին, Անգլիական այգում (Իտալիայի 1, ք. Երևան), տեղի կունենա Գյուղական կյանքի և ավանդույթների ամենամյա փառատոնին նվիրված մամուլի ասուլիսը:

 

Ասուլիսի բանախոսներն են՝

 

ՀՀ գյուղատնտեսության փոխնախարար Արմեն Հարությունյան,
«Կանաչ Արահետ» ՀԿ-ի նախագահ Նունե Սարուխանյան, 
Երևանի քաղաքապետի օգնական Մարիա Բարաղամյան,
Վայրի բնության և մշակութային արժեքների պահպանման հիմնադրամի տնօրեն Ռուբեն Խաչատրյան, 
ENPARD «Արտադրող խմբերի և արժեշղթաների զարգացում» ծրագրի թիմի ղեկավար Սերգեյ Մաթևոսյան, 
Օրգանական գյուղատնտեսության աջակցության նախաձեռնություն (ՕԳԱՆ) Դրամաշնորհային ծրագրի թիմի ղեկավար Դեյվիդ Մուքենհուբեր, 
ԱԶԳ-ի Հայաստանի գրասենյակի ղեկավարի տեղակալ Նորա Ալանակյան:

Բանախոսները կներկայացնեն փառատոնի անցկացման առանձնահատկություններն ու մանրամասները:

 

Անդրադարձ կկատարվի նաև կայուն գյուղատնտեսության և գյուղական համայնքների զարգացման գործում բերքի փառատոնի ունեցած ներդրման կարևորությանը, անցած տարիների ձեռքբերումներին:

 

«Գյուղական կյանքի և ավանդույթների ամենամյա փառատոնն» այս տարի անցկացվում է արդեն 4-րդ անգամ՝ գյուղատնտեսական արտադրանքի, ավանդական մշակույթի և բերքի տոնի շուրջ Երևանում համախմբելով ավելի քան 12 000 այցելուի:

 

Փառատոնի բացման արարողությունը տեղի կունենա սեպտեմբերի 16-ին՝ ժամը 11:00-ին , Անգլիական այգում (Իտալիայի 1, ք. Երևան):

 

Փառատոնի կազմակերպիչն է Գյուղատնտեսության աջակցության «Կանաչ արահետ» ՀԿ-ը ՀՀ գյուղատնտեսության նախարարության և Երևանի քաղաքապետարանի աջակցությամբ:

 

Մուտքն ազատ է:

ՀՀ գյուղատնտեսության նախարարության տեղեկատվության
և հասարակայնության հետ կապերի բաժին

Տպել