ՀՀ գյուղատնտեսության նախարարը «Էկոֆարմ» ՍՊԸ-ի հիմնադրին է հանձնել ՀՀ վարչապետի հուշամեդալը
2016-08-08
Գյուղատնտեսության բնագավառում ունեցած հաջողությունների համար «Էկոֆարմ» ՍՊԸ-ի հիմնադիր-սեփականատեր Վահագն Արսենյանը ՀՀ վարչապետ Հովիկ Աբրահամյանի կողմից պարգևատրվել է Հայաստանի Հանրապետության վարչապետի հուշամեդալով: Պարգևը գործարարին հանձնել է ՀՀ գյուղատնտեսության նախարար Սերգո Կարապետյանը:
Շնորհավորելով Վահագն Արսենյանին բարձր պարգևի արժանանալու առթիվ` նախարարը մաղթել է նրան արդյունավետ աշխատանք և նորանոր հաջողություններ` ի նպաստ մեր երկրի գյուղատնտեսության ոլորտի կայուն զարգացման:
ՀՀ գյուղատնտեսության զարգացման գործում ունեցած նշանակալի ավանդի և բեղմնավոր աշխատանքի համար Վահագն Արսենյանը 2015 թվականին պարգևատրվել էր ՀՀ գյուղատնտեսության նախարարության ոսկե մեդալով:
ՀՀ գյուղատնտեսության նախարարության տեղեկատվության և
հասարակայնության հետ կապերի բաժին
