Ցավով տեղեկացա պետական, քաղաքական ու հասարակական մեծ գործիչ Վլադիմիր Մովսիսյանի մահվան մասին: Նրա կորուստը ծանր է հատկապես մեր երկրի գյուղատնտեսության ոլորտի համար:

 

Մարդ, ով ողջ գիտակցական կյանքի ընթացքում հավատարմորեն, մեծ նվիրումով, սրտացավությամբ ծառայել է հայրենի երկրին ու ժողովրդին՝ ծանրակշիռ ավանդ ներդնելով մեր նորանկախ պետության կայացման ու զարգացման գործում:

 

Անուրանալի է Վլադիմիր Մովսիսյանի ավանդը գյուղատնտեսության զարգացման գործում: Հայաստանի պատմության խորհրդային ժամանակաշրջանում, ինչպես նաև երրորդ հանրապետության ստեղծման մարտահրավերներով լի շրջափուլերի ընթացքում ղեկավարելով հանրապետության ագրարային ոլորտը ` նա ջանք ու եռանդ չի խնայել իր առաքելությունը լավագույնս իրականացնելու համար` մեզ բոլորիս թողնելով իրապես ընդօրինակման արժանի պետական և քաղաքական գործչի կենսագրություն:

 

Չնայած պատկառելի տարիքին, նա շարունակում էր ակտիվ, հայրենանպաստ գործունեություն իրականացնել երկրի տարբեր ոլորտներում: Վլադիմիր Մովսիսյանը մինչև վերջ հավատարիմ մնաց իր հայրենիքին ու հայ ժողովրդին` իր ողջ գիտելիքներն ու երկարամյա աշխատանքային փորձը ծառայեցնելով մեր պետականության կայացմանը:

 

ՀՀ գյուղատնտեսության նախարարության ողջ աշխատակազմի և անձամբ իմ անունից խորին ցավակցություն եմ հայտնում նրա ընտանիքի անդամներին, մերձավորներին և գործընկերներին:

 

ՀՀ գյուղատնտեսության նախարար  Սերգո Կարապետյան

 

Տպել